علوم

تونس : أيقاف المهندس محمد أمين الفطناسي

يقول السيد محمد أمين الفطناسي :

اليوم تم استقبالي بحفاوة كبيرة فالمطار من طرف الديوانة و الشرطة هزوني نبحيث يجي 3 سوايع و العايلة يستناو و مفجوعين عليا و هوما تقول شدوا ارهابي وإلا مروج هذا الكل خاترني عملت مشروع التخرج متاعي كمهندس في فرنسا مع شركة إختصاص صناعة طائرات بدون طيار ( الدرون) و صنعت معاهم درون تكتشف الشقوق و المشاكل في السدود والقناطر ومروح بها لتونس بش اناقش المشروع الجمعة الجاية و نخو شهادة مهندس مالمدرسة الوطنية العليا للمهندسين بتونس لكن الله غالب في عوض مايشجعوك و يأطروك لا يوقفوك و تتمرمد و تبقى تبحثب و يفوكولك الدرون و مبعد يخسر عليك انتي نابغة و خايفين لا يدمغجوك و درون تنجم تحط فيها قنابل. تحتى السكينة تنجم تقتل بيها عبد كيفما تنجم تعمل بيها حاجة تصلح اي صحيح عندك الحرية تتكلم فالي تحب و تقول الي تحب عليه خاتر مش بش يبدل شي اما كيف تجي بش تخدم و تصنع تلقى كل شي ممنوع و حتى اللعب متع ولاد صغار فالأورب يمنعوك بش تخدم بيهم علاش وزارة الفلاحة عندها الحق تشري درونات بالمليارات برغم انو أغلب المهندسين في تونس ينجمو يعملوها بمليون بركة ولي يزيد ينرفزك مبعد تلقاهم عاملين ندوة وعنوانها 《هجرة الأدمغة》 . في تونس يا عندك معارف وفلوس تسلكها تشد مسمار فحيط و تدخل معاهم فسيستام ارجع غدوة و سرفور طايح و تولي مهندس كان باللأسم و تعدي الوقت تكونكتي فالبيرو هذا كان مشيت بالطبيعة اما كان عندك مشروع و تحب تصنع و تطور عليك بالخارج ليعرفوا قيمتك و تبقى بقدرك وإلا بش تتمرمد.

فلخر حبيت نكتب حل للمشكل اما مش باش تنفع حتي ثورة اخرى حكاية فارغة مدام نفس العباد و العقلية بش يبقاوا . قيس سعيد وإلا نبيل مقرونة نفس الحكاية مش كيف نجيبوا انجلة مركل ماعندها ماتعمل تي كيف تجيب زيدان يراني فالفحص ماعندوا وين يوصل . مادمني لانحب نبقى مسمار فحيط ولا نتمرمد مالى نخاليوهالهم واسعة و بالله لا عاد تعملولنا اك الندواة متاع هجرة الادمغة الحلول والأسباب خاتر أنتم السبب يرحم والدين والدين والديكم.

اظهر المزيد
error: Ooooops !!